Istituto Venezia

Luigi Meneghello, Amleto in veneto da Trapianti

In sti ultimi tempi, tusi, ma no so parchè, go
perso tutto el morbìn, go stralassà le me usanse,
e me sento cussì malmesso che a mi sta bela
fabrica dela tera la me pare na scuàlida
protuberansa… Sto ecelentissimo baldachìn de
l’aria, tusi, sta maraveia de barchessa de ‘l
firmamento cuà parsora, sto gran coerto ricamà
de lucete de oro: ciò, a mi no la me pare gninte
altro che na turbia e pestilenta congregassiòn
de vapuri.
Casso, un omo! che capo d’opera ch’el zé, che
nobile el so giudissio, che infinite le capacità!
de figura e de ati, co che l’è s’ ceto e amirevole!
in assiòn, cuanto vissìn ai angeli! de
comprendonio, cuanto someiante a un dio! La
belessa del mondo! el pì togo de tuti i animai…
Sì, ma par mi cossa zè che la zè sta cuintessensa
de pòlvare? A mi l’omo NO ME PIASE: nò, e la
dona gnanca… Vedo ca fè un soriseto, ma ve
sbaliè…